iso 932 香港Q嘜優質服務計劃
生意買賣熱線

92932

梁珮詩(Chris)
梁珮詩(Chris)

愛創作 愛自由 唔怕錯 最怕唔知錯 Chris Leung 在髮型行業超過20年,擔任 教育大學學院 髮型設計導師,為美容美髮公司作企業顧問。很多人說90後好難教!但她有一套獨特的培訓方式,讓90後成為公司重要支柱。

未來 組織的改變

2019-01

      上個月去左台灣上一個叫「未來學」課程,課程內容來自台灣淡江大學,老師是未來學家宋玫玫教授。

      好多人會第一時間問:「未來學?係咩黎㗎?點解一個髮型屋老闆走去學?」相信大部分人都有一個莫名的表情。

      我唔知道大部分老闆,會否覺得世界真係變得好快?每年每季都要為公司訂目標,每次都要諗好未來這一年方案。但因為市場變化無常,讓你無法完全肯定市場走向。自己都可能會問自己,我的預測真係會發生?你有否懷疑過自己所講所想?這是我想探討未來學的原因。

▲圖片由作者提供

      近五年,組織形態開始改變,做老闆再難以像以前一樣運作一間公司。在第二波工業生產年代,只要直接落命令,員工就全單接受。可是,現在係一個知識科技年代,再沒辦法叫下屬全單接收老闆命令。很多年輕人,要嘅係自由,要嘅係一個成就自己的工作方式。現在很多人是希望自己係自由工作者,我自己決定自己的生活方式,可能賺錢的多少未必係最重視。

      如果這個趨勢下去,公司招聘的手法,公司培訓人員嘅方式,也要有改變。追溯到人嘅追求,原始內在需求,這樣也令好多公司這幾年管理方式不再一樣。這種變動,產生好多代溝同磨擦,讓管理者難於適應。但不管怎樣組織形態嘅改變,人再不是要跟組織去行,係希望自主自我嘅年代。追求Life balance,也可能過去的工作勞碌,會讓我地香港人反思,是否真的要咁樣過生活?

      很多新的衝擊係市場上出現,今年00年出生嘅青年人已經踏入工作年份。新世代交替,科技嘅發展,讓未來都變得未知,也讓做生意的模式,變得更多元化。

      我們找更多科技去取替人,但同時我地又非常渴求人才。

      聽落好像好混亂,而事實這世代係混雜嘅時代,正正在挑戰價值觀嘅年代。

      馬雲講 : 「如果你嘅公司仍處於要長期解決現在嘅問題,你會發現問題係沒完沒了,而且問題係度不停增加 ; 但當你公司能解決未來人需求嘅問題,你公司才是真正能解決問題。」

      未來嘅組織方向,可參考一本書叫《第五項修練》,主要講到學習型組織的力量。

      未來嘅多樣,我地無法估計,但相信,能留下來的,是強大又願意學習嘅組織,連成嘅企業。

      再不是指指點點的單一命令,而係充滿使命感而又能成就自我的企業。

0 查詢