932(搞生意)> 

創業新聞 > 

荃灣肉餅哥刴32款 月賺9萬多謝香港人

荃灣肉餅哥刴32款 月賺9萬多謝香港人

發佈日期: 2016-05-09   資料來源: 壹週刊
肉餅在茶餐廳、酒樓都食得到,在香港只有「屏山老地方」比較出名。廿六歲老闆劉治煇與拍檔阿Joe曾經想過做特色串燒、沙嗲牛肉漢堡,「個啲市場上已經有,唔夠新鮮,加上肉餅可塑性大。」阿煇搞搞新意思,配上蟹蓋、果醬、芝士這些元素,想出三十二款的肉 餅專門店「肉餅哥」,《蘋果》報導完迅速躥紅,每日賣到六百幾塊,排隊排到塞住旁邊大廈入口。

這間位於荃灣沙咀道,鄰近工業區的小店,由地鐵站出發,要步行十多分鐘,再隨時要排上兩小時,但無阻慕名而來的客人。以龍蝦、帆立貝、鮑魚、鵝肝這四款九十八元特色肉餅吸客,其餘午市四十八,晚市五十八元,全部可煎可蒸。肉餅哥靠啅頭彈出,味道亦有一定水準,才成為OpenRice三月份好評餐廳十強的第二位。

起初入貨被人鑿一筆,出菜慢亦是死因。阿煇坦言當時出一份肉餅要近廿分鐘, 「你知香港人啦,要佢等咁耐,直頭搬埋我阿媽出嚟。當時飯可以轉烏冬或者漢堡,不過烏冬要淥,漢堡要烘脆,太花時間,所以停咗做。」不過廚房只有四個人, 雖然減少了工序,始終趕不上速度。阿煇為頭半小時準備的肉餅,十五分鐘就賣光。因此阿煇高價多請了六個人,「啲人見我個場咁爆,唔敢做呀。樓面市價萬二,我出到萬六。廚房市價萬五,我出到萬八,因為我要有技術既師傅,佢地要同時煎十塊肉餅,火侯要控制得好。」人工雖然高了,但可以做多幾輪客,阿煇計過數覺得值得。

花了錢請人,亦要充分運用人手做好準備,「唔好以為獨沽一味做肉餅好快,因 為肉餅嘅餡唔同要分開做,唔同茶餐廳好多野可以整定,好似乾炒牛河全程用熱水座熱保溫,一夾出去就食得。」蒸肉餅比較簡單,蒸十二分鐘便可,若客人選擇煎肉餅,便要在蒸好後額外煎香兩邊。經過一個月時間,阿煇大致摸清客人的需求,幾樣主打如龍蝦肉餅今日一定過百份,金沙蛋黃七十份左右,流心芝士約六十份,「大路嘅肉餅先放啲去蒸,有單好快可以煎香上碟,依家出菜十分鐘一定得。」阿煇笑說還要多謝香港人夠識做,「啲客見你咁多人,好快食完就走,唔會坐一兩個鐘。」



撰文:孫樂祈

攝影:關永浩
 
932
COPYRIGHT 2016 932(搞生意) All rights reserved.